لاہور(پاکستان پوائنٹ نیوز27۔اکتوبر۔2018ء) سٹی ٹریفک پولیس نے موٹر سائیکل اُتے سوار دوناں بندیاں دے ہیلمٹ پان نوں لازمی قرار دے دتا، جیہدے مگروں مارکیٹ وچ سوانیاں دے ہیلمٹ وی آ گئے نیں۔ تفصیل مطابق عدالت ولوں پنجاب بھر وچ اک کروڑ 13لکھ موٹر سائیکل سواراں لئی ہیلمٹ دے استعمال اُتے پابندی مگروں ہیلمٹ دیاں قیمتاں اک وار فیر آسمان نال گلاں کرن لگیاں نیں۔
انتظامیہ ولوں چیک اینڈ بیلنس تے دلچسپی نہ لین دی وجہ توں 5سو رُپئے والا لوکل ہیلمٹ 1500رُپئے تیکر اپڑ گیا جدکہ 1150والا امپورٹڈ ہیلمٹ 2000رُپئے داویچیا جا رہیا اے۔ دوجے پاسے سوانیاں دا موٹر سائیکل اُتے ہیلمٹ پان دا استعمال یقینی بنان لئی میکلوڈ روڈ لاہور اُتے سوانیاں لئی خصوصی تیار کیتے گئے ہیلمٹ مارکیٹ وچ آ گئے نیں جیہدی قیمت 1200رُپئے اے۔ جدکہ لاہور توں وکھ دوجے شہراں وچ وی ہیلمٹ دی منگ وچ وادھا ہو گیا اے۔
