اسلام آباد(پاکستان پوائنٹ نیوز27۔اکتوبر۔2018ء) منی لانڈرنگ کیس وچ انور مجید دے پُتر نمر مجید نوں گرفتار کر لیا گیا۔ تفصیل مطابق منی لانڈرنگ کیس وچ انور مجید دے پُتر نمر مجید نوں سپریم کورٹ دے احاطے توں گرفتار کیتا گیا۔ ایف آئی اے دی ٹیم نمر مجید نوں گرفتار کر کے اپنے نال لے گئی۔ نمر مجید منی لانڈرنگ کیس وچ عبوری ضمانت اُتے سی۔نمر مجید نوں بیان ریکارڈ کروان لئی سدیا گیا سی۔
دوجے پاسے چیف جسٹس آف پاکستان نے اومنی گروپ دے جیل وچ موجود سارے لوکاں کولوں موبائل فون کھون دا حکم وی جاری کر دتا۔ چیف جسٹس دا آکھنا سی کہ آئی جی جیل خانہ جات نے جے اوہناں کولوں موبائل نہ کھوئے تے اوہناں خلاف کارروائی کیتی جائے گی۔ چیف جسٹس نے آکھیا جے جیل توں موبائل فون استعمال کرن دی شکایت ملی تے سخت کارروائی ہوئے گی۔
