ٹنڈو محمد خان دا دھوبی جعلی کمپنی دا مالک نکل آیا

ٹنڈو محمد خان دا دھوبی جعلی کمپنی دا مالک نکل آیا

ٹنڈو محمد خان(پاکستان پوائنٹ نیوز25۔اکتوبر۔2018ء) ٹنڈو محمد خان دے رہائشی دھوبی دی جعلی کمپنی ساہمنے آ گئی، ایف آئی اے نے خط راہیں1کروڑ 40لکھ دا لوہا خریدن بارے تفصیلاں منگ لئیاں۔ تفصیل مطابق جعلی بنک اکاؤنٹ مگروں جعلی کمپنی ہون دا انکشاف ساہمنے آیا اے۔ ٹنڈو محمد خان دے رہائشی دھوبی دی جعلی کمپنی ساہمنے آ گئی۔ ایف آئی اے نے خط راہیں 1کروڑ 40لکھ دا لوہا خریدن بارے تفصیلاں منگ لئیاں۔

ایس گل دا انکشاف اوس ویلے ہویا جدوں طارق سعید نامی دھوبی نوں ایف آئی اے دا خط ملیا۔ خط وچ دسیا گیا کہ اوہنے کمپنی لئی اک کروڑ 40لکھ رُپئے دا لوہا مُل لیا اے۔ جے آئی ٹی نے تفتیش لئی ذکر کیتے گئے دھوبی نوں کراچی سدیا اے۔ جے آئی ٹی نے دھوبی کولوں سمجھوتے دی کاپی، بلز تے بنک دیاں تفصیلاں منگیاں نیں۔ دھوبی دا آکھنا اے کہ اوہ مزدور بندہ اے ، اوہدا کوئی بنک اکاؤنٹ وی نہیں اے۔ طارق سعید دا آکھنا سی کہ اوہنے 25ہزار رُپئے قرضہ لے کے دُکان بنائی اے۔