اسلام آباد(پاکستان پوائنٹ نیوز23۔اکتوبر۔2018ء) وزیر اعظم مگروں پاک فضائیہ دے سربراہ ائر چیف مارشل مجاہد انور وی سعودی عرب چلے گئے جتھے اوہناں دا چاہواں نال استقبال کیتا گیا۔ تفصیل مطابق وزیر اعظم عمران خان پچھلے دیہاڑے سعودی عرب اپڑے جتھے اوہناں نے اج بین الاقوامی سرمایہ کاری کانفرنس وچ رلت کیتی تے سعودی سرمایہ کاراں نوں پاکستان وچ سرمایہ کاری دی دعوت دتی، جیہدے وچ وڈے پیمانے اُتے سعودی سرمایہ کاراں ولوں دلچسپی دا اظہار کیتا گیا۔
پر ہن وزیر اعظم مگروں پاک فضائیہ دے سربراہ ائر چیف مارشل مجاہد انور وی سعودی عرب اپڑ گئے نیں، جتھے اوہناں دا چاہواں نال استقبال کیتا گیا۔ ایس موقعے تے ائر چیف مارشل مجاہد انور نے سعودی فورسز دے ہیڈ کوارٹر دا دورہ کیتا، جتھے سعودی فضائیہ دے دستے نے ائر چیف مارشل مجاہد انور نوں سلامی دتی۔ ایس موقعے تے اوہناں نے اپنے سعودی ہم منصب نال ملاقات کیتی۔
