اسلام آباد(پاکستان پوائنٹ نیوز23۔اکتوبر۔2018ء) وزیر اعظم عمران خان دی مدینہ منورہ وچ روندے ہوئے دعا کرن دی تصویر سوشل میڈیا اُتے وائرل ہو گئی۔ تفصیل مطابق وزیر اعظم عمران خان پچھلے دیہاڑے سعودی عرب دے دورے اُتے گئے سن۔ وزیر اعظم نے اپنے وفد نال مدینہ منورہ وچ پچھلی رات روضہ رسول اُتے حاضری دتی، عشاء دی نماز تے نفل پڑھے۔ ایس موقعے تے اوہناں نے ملک دی ترقی، خشحالی تے سلامتی لئی خصوصی دعاواں وی کیتیاں۔
ایس حوالے نال عمران خان دی اک تصویر وی سوشل میڈیا اُتے وائرل ہوئی اے۔ جیہدے وچ اوہ روندے ہوئے دعا کر رہے نیں تے اوہناں پچھے وزیر خزانہ اسد عمر وی بیٹھے نیں۔سوشل میڈیا اُتے تصویر وائرل ہون مگروں اک ورتیندڑ نے تبصرہ کرد ے ہوئے لکھیا کہ مخلص رہنما دین اُتے رب دے شکر گزار آں۔ایس توں وکھ ہور لوکاں نے ایس تصویر اُتے تبصرے کیتے تے عمران خان لئی نیک خاہشاں دا اظہار کیتا۔
