کراچی(پاکستان پوائنٹ نیوز22۔اکتوبر۔2018ء) سندھ حکومت نے آن لائن ٹیکسی سروسز اُتے پابندی لان دا فیصل کرلیاا، وزیر ٹرانسپورٹ سندھ دا آکھنا اے کہ آن لائن ٹیکسی سروسز نے روٹ پرمٹ تے لیا پر صوبائی حکومت کولوں اجازت نہیں لئی۔ تفصیل مطابق سندھ وچ ٹرانسپورٹ دے شعبے نوں پوری طرحاں تباہ کرن والی پیپلز پارٹی دی حکومت نے ہن لوکائی کولوں سستی نجی سفری سہولتاں وی کھون دا فیصلا کیتا اے۔
وزیر ٹرانسپورٹ سندھ نے دسیا اے کہ صوبائی حکومت نے سندھ وچ آن لائن ٹیکسی سروسز بند کرن دا فیصلا کیتا اے۔ صوبائیو زیر دا آکھنا سی کہ آن لائن ٹیکسی سروسز نے سندھ سرکار کولوں اجازت نہیں لئی۔ ٹیکسی سروسز نے صرف روٹ پرمٹ لیا پر باقاعدہ اجازت نہیں لئی۔ ایس حوالے نال سائن کیتے گئے ایم او یو نوں 3سال ہو گئے نیں۔ صوبائی وزیر اویس شاہ دا آکھنا سی کہ آئن لائن ٹیکسی سروسز حکومت سندھ دی کوئی گل نہیں من رہی۔ اوہناں دا آکھنا سی کہ ہفتے دے دیہاڑے آن لائن ٹیکسی سروس وچ ہراسگی دا واقعہ ساہمنے آیا پر کوئی ایکشن لیا گیا۔ ایس لئی ہن سندھ حکومت نے آن لائن ٹیکیس سروس نوں خط لکھن دا فیصلا کیتا اے۔
