اسلام آباد(پاکستان پوائنٹ نیوز22۔اکتوبر۔2018ء) جمعے دا دن تاریخی فیصلیاں دا دن بن گیا۔ پاکستان دیاں وڈیاں وڈیاں عدالتاں نے وڈے وڈے فیصلے جمعے دے دیہاڑے سُنائے۔ پر پاکستان مسلم لیگ (ن) لئی جمعے دا دن ہمیشہ بُری خبر لیایا اے۔ پچھلے کُجھ چِر توں شریف خاندان خلاف جمعے دے دیہاڑے جِنے وی فیصلے آئے اوہ اوہناں دے حق وچ نہیں سن۔ ایس بارے مشہور پرچا کار نے ٹویٹ کردے ہوئے آکھیا کہ جیویں جمعہ ہمیشہ مسلم لیگ (ن) لئی بھاری ہوندا سی اُنج ای پی ٹی آئی نوں ایتوار راس نہیں آ رہیا، قدرت دے وی کیہ کھیڈ نیں۔
یا درہوے کہ 14اکتوبر تے 24اکتوبر نوں ایتوار دے دیہاڑے ضمنی الیکشن ہویا سی۔ ضمنی الیکشن وچ تحریک انصاف نوں مایوسی دا ساہمنا کرنا پیا۔ ضمنی الیکشن وچ تحریک انصاف اپنی جِتیاں ہوئیاں سیٹاں وی ہار گئی۔ 14اکتوبر نوں ہون والے ضمنی الیکشن وچ تحریک انصاف این اے 131تے این اے 35بنوں دی سیٹ ہار گئی جدکہ پچھلے دیہاڑے ہون والے الیکشن وچ پی ٹی آئی نوں پشاور دے حلقہ پی کے 71توں ہار دا ساہمنا کرنا پیا۔ایس لئی آکھیا جا سکدا اے کہ تحریک انصاف لئی ایتوار دا دن بھاری ثابت ہویا اے جس طرحاں (ن) لیگ لئی جمعے دا دن بھاری سی۔
