کراچی(پاکستان پوائنٹ نیوز22۔اکتوبر۔2018ء) کراچی پولیس چیف امیر شیخ دا آکھنا اے کہ ٹریفک اہلکاراں نوں آکھنا واں کہ جوغریب چالان نہ دے سکن اوہناں نوں وارننگ دے کے چھڈ دیو۔ ٹریفک چالان شہریاں لئی مصیبت بن گیا اے۔ کراچی وچ اک رکشہ ڈرائیور نے چالان ہون اُتے پچھلے دیہاڑے آپ ساڑے(خودسوزی) دی کوشش کیتی سی۔ آکھیا جا رہیا اے کہ رکشہ ڈرائیور دا جُثہ 80فیصد لوس گیا اے۔
جیہدے مگروں شاہراہ فیصل تھانا صدر دی حد وچ رکشہ ڈرائیوردے ایس کم اُتے اے ایس آئی نوں وی معطل کیتا گیا اے۔ کراچی پولیس چیف نے وی واقعے اُتے دُکھ اظہار کیتا اے۔ کراچی پولیس چیف دا آکھنا اے کہ پابندی لائی گئی سی کہ اک پولیس افسر اک ای رکشہ ڈرائیور دا چالان کر سکدا اے۔ رکشے والے دا 100توں 150توں ودھ چالان نہیں ہوئے گا۔ کراچی پولیس چیف نے آکھیا کہ جے رکشہ ڈرائیور چالان نہ بھر سکن تے میں بھراں گا۔
ایہدا مطلب ایہ نہیں کہ چالان مگروں قوانین دی خلاف ورزی کرن۔ اوہناں نے ہدایت کیتی کہ اک ہفتہ بائیک والیاں خلاف ون دے توں وکھ کوئی چالان نہ کیتا جائے۔ کُجھ ٹریفک پولیس اہلکار اہم سڑکاں چھڈ کے سائیڈ بائیکرز نوں پھڑ لیندے نیں۔ ٹریفک پولیس اہلکار ناانصافی کرن تے سانوں دسو۔ کسے نے وی ناانصافی کیتی تے اوہدے خلاف ایکشن لواں گے۔
