اک ہور آڈیو ٹیپ لیک ہون والی اے

اسلام آباد(پاکستان پوائنٹ نیوز20۔اکتوبر۔2018ء) نجی ٹی وی چینل دے پروگرام وچ گل بات کردے ہوئے سینئر پرچاکار چودھری غلام حسین نے آکھیا کہ پوری قوم نوں اک بریکنگ نیوز دے رہیا واں کہ قیوم جو لاہور ہائی کورٹ دے جج نیں، اوہناں دی تے شہباز شریف دی،ایس توں وکھ سیف الرحمان وغیر ہ دی جو آڈیو ٹیپاں کُجھ چِر پہلاں ساہمنے آئیاں سن تے جیہدی بنیاد اُتے وڈے وڈے فیصلے ہوئے سن ، ایس توں وڈی سطح دی آڈیو ریکارڈنگ لیک ہوئی اے، چودھری غلام حسین نے آکھیا کہ اسی لیول دے ملک وچ جو وڈے وڈے فیصلے ہوئے نیں اوہدے بارے اک آڈیو ٹیپ دی پکی خبر سانوں ملی اے۔اوہناں نے آکھیا کہ ایہ لیک ہوئی آڈیو ٹیپ کسے ویلے وی آن ائر آ سکدی اے ۔اوہناں دا آکھنا سی کہ ایس آڈیو ٹیپ نال اک بھونچال آ جائے گا۔