گڈیاں دی رجسٹریشن فیس وچ وادھے دی تجویز پیش کر دتی گئی

لاہور(پاکستان پوائنٹ نیوز19۔اکتوبر۔2018ء) محکمہ ایکسائز نے موٹر سائیکل رولز وچ ترمیم کرن دا فیصلا کرلیا اے۔ تفصیل مطابق گڈیاں دی رجسٹریشن فیس وچ وادھے دی تجویز پیش کیتی گئی اے۔ ڈی جی ایکسائز نے ایہ تجویز سیکرٹری ایکسائز بابر شفیع نوں گھل دتی۔70سی سی موٹر سائیکل دی رجسٹریشن فیس 750رُپئے رکھن دی تجویز پیش کیتی گئی۔ ایس توں وکھ70توں 200سی سی تیکر رجسٹریشن فیس 1500رُپئے کرن دی تجویز دتی گئی اے۔ میڈیا رپورٹس مطابق 200سی سی توں اُتے دی موٹر سائیکل اُتے 2فیصد رجسٹریشن فیس لین دی تجویز پیش کیتی گئی اے۔ محکمہ ایکسائز نے گڈیاں دی رجسٹریشن فیس وچ وادھے بارے اجے کوئی حتمی اعلان نہیں کیتا تے نہ ای ایہناں تجویزاں دی کوئی حتمی منظوری دتی گئی اے۔