ماڈل ٹاؤن دُکھانت:سابق ڈی جی آئی تے سابق ڈی سی او نوں گرفتار کرن دا حکم

ماڈل ٹاؤن دُکھانت:سابق ڈی جی آئی تے سابق ڈی سی او نوں گرفتار کرن دا حکم

لاہور(پاکستان پوائنٹ نیوز19۔اکتوبر۔2018ء) ماڈل ٹاؤن دُکھانت کیس وچ اہم پیشرفت ہوئی اے۔ عدالت نے سابق ڈی جی آئی تے سابق ڈی سی او نوں گرفتار کرن دا حکم دے دتا۔میڈیا رپورٹس مطابق ماڈل ٹاؤن دُکھانت بارے کیس دی سنوائی انسداد دہشت گردی عدالت وچ ہوئی۔ سنوائی دوران عدالت نے سابق ڈی جی آئی پولیس رانا عبدالجبار تے سابق ڈی سی او پاکپتن محمد عثمان نوں گرفتار کرن د ا حکم دے دتا اے۔

سابق ڈی سی او کیپٹن(ر) محمد عثمان ایس ویلے پنجاب حکومت دے محکمہ فوڈ اتھارٹی دے ڈی جی نیں۔ پر انسداد دہشتگردی عدالت نے حکم دتا اے کہ سابق ڈی جی آئی پولیس رانا عبدالجبار تے سابق ڈی سی او کیپٹن (ر) محمد عثمان نوں گرفتار کر کے پیش کیتا جائے۔ ایسے طرحاں انسداد دہشت گردی عدالت نے ملزم ایس پی وسیم تے اشرف نوں اشتہاری ملزم قرار دے دتا اے۔