نواز شریف اپنے ضمانتی نوں ای نہ پہچان سکے

اسلام آباد(پاکستان پوائنٹ نیوز18۔اکتوبر۔2018ء) سابق وزیر اعظم نواز شریف اپنے ضمانتی نوں ای نہ پہچان سکے۔ میڈیا رپورٹس وچ دسیا گیا اے کہ پاکستان مسلم لیگ (ن) دے قائد نواز شریف اپنے ضمانتی نوں ای نہ پہچان سکے۔ پچھلے دیہاڑے نواز شریف جدوں احتساب عدالت وچ پیشی مگروں واپس آ رہے سن کہ عدالت وچ اوہناں نوں اک بزرگ ملے پر نواز شریف اوہناں نوں پہچان نہ سکے جیہدے مگروں بزرگ نے نواز شریف نوں دسیا کہ اسلام آباد ہائی کورٹ وچ تہاڈی رہائی دی موقعے اُتے ضمانتی مچلکے میں ای جمع کروائے سن تے میں ہر جمعرات نوں مرحومہ بیگم کلثوم نواز لئی قرآن خوانی کروانا آں۔ جیہدے اُتے نواز شریف نے آکھیا کہ چنگا اے تہاڈے نال ملاقات ہوئے گی۔ جیہدے مگروں اوہ چلے گئے۔