اٹلس ہنڈا نے غریباں دی سواری 70سی سی موٹر سائیکل دی قیمت وچ وادھا کر دتا

لاہور(پاکستان پوائنٹ نیوز17۔اکتوبر۔2018ء) اٹلس ہنڈا نے غریباں دی سواری 70سی سی موٹر سائیکل دی قیمت وچ وادھا کر دتا اے۔ تفصیل مطابق پاکستان وچ غریب لوکائی دی سواری دے طور اُتے مشہور 70سی سی موٹر سائیکل دی قیمت وچ وادھا کر دتا گیا اے۔اٹلس ہنڈا کمپنی ولوں موٹر سائیکل دے سٹیکر دی تبدیلی نوں بنیاد بنا کے قیمت وچ وادھا کیتا گیا اے۔ ایس حوالے نال کمپنی نوں ورتیندڑاں(صارفین) ولوں تنقید دا ساہمنا کرنا پے رہیا اے۔ ورتیندڑاں دا آکھنا اے کہ صرف سٹیکر دی تبدیلی دی بنیاد اُتے موٹر سائیکل دی قیمت وچ وادھا کر ن دا فیصلا مذاق اے۔ ہنڈا سی ڈی 70تن رنگاں وچ دستیاب اے۔ ایہناں رنگاں وچ کالا، لال تے گرے شامل اے۔ ہنڈا سی ڈی 70دی نویں قیمت 69ہزار 900رُپئے ہو گئی اے۔