ہیلمٹ اُتے پابندی بارے اک ہور وڈا فیصلا

ہیلمٹ ہون مگروں وی نہ پان والیاں نوں جرمانا دوگنا ہوئے گا

ہیلمٹ اُتے پابندی بارے اک ہور وڈا فیصلا
ہیلمٹ ہون مگروں وی نہ پان والیاں نوں جرمانا دوگنا ہوئے گا

لاہور(پاکستان پوائنٹ نیوز17۔اکتوبر۔2018ء) ہیلمٹ اُتے پابندی بارے اک ہور وڈا فیصلا کرلیا گیا اے۔ تفصیل مطابق ہیلمٹ کول ہون مگروں وی نہ پان والے موٹر سائیکل سواراں نوں دوگنا جرمانا کیتا جائے گا۔ میڈیا رپورٹس مطابق موٹر سائیکل اُتے ہیلمٹ ہتھ وچ پھڑن یاں فیر ٹینکی اُتے رکھن والے موٹر سائیکل سواراں نوں 2سو دی بجائے 4سور رُپئے جرمانا کیتا جائے گا۔

دوجے پاسے لاہوریاں مگروں ہن کراچی والیاں دی واری وی آ گئی اے۔ لائسنس بنوان تے ہیلمٹ خریدن لئی اک مہینے دی ڈیڈ لائن دے دتی گئی اے۔ کراچی پولیس چیف امیر شیخ دا آکھنا اے کہ ہن چالان نہیں کیتا جائے گا بلکہ سدھا جیل گھلیا جائے گا۔ اوہناں دا ہور آکھنا سی کہ ون وے دی خلاف ورزی کرن والے 100توں ودھ بندیاں نوں قابو کیتا گیا۔اوہناں نے آکھیا کہ جیہڑے لوکاں دی عمر لائسنس بنوان دی نہیں ہوئی پر اوہ گڈیاں چلا رہے نیں اوہناں دی گڈی قبضے وچ لے لِتی جائے گی۔ کراچی پولیس چیف نے بینتی کردے ہوئے آکھیا کہ ہیلمٹ ورتن، ون وے تے لائسنس بارے قانون اُتے عمل لئی ساڈے نال تعاون کرو۔