اسلام آباد(پاکستان پوائنٹ نیوز17۔اکتوبر۔2018ء) وزیر اعظم عمران خان دی کفایت شعاری مہم دے تحت گڈیاں دی نیلامی دا دوجا مرحلا بدھ نوں ہویا پر نیلامی دوران 49گڈیاں وچوں صرف 1گڈی وِکی۔ تفصیل مطابق وزیر اعظم ہاؤس دے زیر استعمال گڈیاں دی نیلامی دے دوجے مرحلے وچ 49گڈیاں نوں نیلامی لئی پیش کیتا گیا جیہناں وچوں بم پروف تے بلٹ پروف گڈیاں وی شامل سن۔
نیلامی دی شروعات 12وجے ہوئے، ایس دوران صرف اک گڈی 90لکھ رُپئے وچ نیلام ہو سکی تے دوپہر 2وجے نیلامی دا عمل مکمل کیتا گیا۔ کسٹم حکام مطابق 25اکتوبر نوں فیر نیلامی کیتی جائے گی تے ہن گڈیاں دی نیلامی وزیر اعظم ہاؤس دی بجائے آئی نائن ڈرائی پورٹ اُتے ہوئے گی۔ کسٹم حکام مطابق وزیراعظم ہاؤس تیکر لوکاں دی پہنچ ممکن نہیں تے لوکاں نوں سمجھنا چاہیدا کہ ایہناں گڈیاں وچ خصوصیات نیں،ایس لئی ایہناں دا مُل بُہتا اے۔
