وزیر اعظم دا معاشی صورتحال اُتے قوم نوں اعتماد وچ لین دا فیصلا

وزیر اعظم عمران خان اک ہفتے اندر قوم نال خطاب کرن گے:وسیلے

وزیر اعظم دا معاشی صورتحال اُتے قوم نوں اعتماد وچ لین دا فیصلا
وزیر اعظم عمران خان اک ہفتے اندر قوم نال خطاب کرن گے:وسیلے

اسلام آباد(پاکستان پوائنٹ نیوز12۔اکتوبر۔2018ء) وزیر اعظم عمران خان نے ملک دی چالو(موجودہ ) معاشی صورتحال وچ قوم نوں اعتماد اندر لین دا فیصلا کیتا اے۔ میڈیا رپورٹس مطابق وزیر اعظم عمران خان دی صدارت ہیٹھ پارٹی رہنماواں دا غیر رسمی مشاورتی اجلاس ہویا اے۔اجلاس وچ ملک دی چالو تے خراب معاشی صورتحال دا جائزہ لیا گیا۔ ایس موقعے تے وزیراعظم نے وفاقی وزیر خزانہ اسد عمر دیاں معاشی پالیسیاں اُتے اطمینان دا اظہار نہ کردے ہوئے خفگی دا اظہار کیتا۔

اوہناں نے آکھیا کہ وزیر خزانہ نوں اقتصادی صورتحال اُتے پیشگی منصوبہ بندی کرنی چاہیدی سی۔ اسد عمر نوں ہوم ورک پورا کر کے رکھنا چاہیدا۔ اوہناں نے آکھیا کہ پکی منصوبہ بندی نہ ہون دی وجہ توں عوامی ردعمل دا ساہمنا کرنا پیا۔ وسیلیاں دا آکھنا اے کہ وزیر اعظم عمران خان نے اک ہفتے وچ قوم نوں اقتصادی صورتحال اُتے اعتماد وچ لین دا فیصلا کیتا اے۔ وزیراعظم عمران خان اپنے خطاب وچ قوم نوں روشن مستقبل دی نوید سُنان گے۔