لاہور(پاکستان پوائنٹ نیوز11۔اکتوبر۔2018ء) ارباں رُپئے دے گھپلیاں وچ ملوث منشا بم تے اوہدے چار پُتراں دے ناں ای ای سی ایل وچ پا دتے گئے نیں۔ تفصیل مطابق لاہور وچ قبضہ مافیا دا سرغنہ تے ارباں رُپئے دے گھپلیاں وچ ملوث دہشت دی علامت سمجھے جان والے منشا بم دے بُرے دن آ گئے نیں۔ ارباں رُپئے دے گھپلیاں وچ ملوث منشا بم تے اوہدے چار پُتراں دے ناں ای سی ایل وچ پا دتے گئے۔
دوجے پاسے پولیس نے ایکسائز توں درخاست کیتی اے کہ اوہ منشا بم دیاں گڈیاں نوں قبضے وچ لوے تے ایہدے نال نال پولیس ولوں سٹیٹ بنک نوں وی منشا بم دے اکاؤنٹ معطل کرن لئی درخاست دتی گئی اے۔ یاد رہوے کہ سپریم کورٹ نے جوہر ٹاؤن لاہور وچ زمین اُتے قبضہ کیس وچ منشا بم تے اوہدے پُتراں دی گرفتاری دا حکم دتا سی۔ منشا بم دی گرفتاری لئی آپریشن ونگ تے سی آئی اے دیاں 10توں ودھ ٹیماں کم کر رہیاں نیں۔ پولیس نوں منشا بم دے باہرلے ملک جان دا ڈر اے۔ پر ہن منشا بم تے اوہدے چار پُتراں دے ناں ای ای سی ایل وچ پا دتے گئے نیں۔
