لاہور(پاکستان پوائنٹ نیوز10۔اکتوبر۔2018ء) چالان ہون دے ڈر توں شہری نے منفرد انداز اپناندے ہوئے گڈی وچ ای ہیلمٹ پا لیا۔ میڈیا رپورٹس وچ دسیا گیا اے کہ شہریاں وچ چالان ہون دا اینا خوف پیدا ہو گیا اے کہ ہن اوہناں نے گڈی وچ وی ہیلمٹ پانا شروع کر دتا اے۔ اجیہا ای اک واقعہ لاہور وچ پیش آیا۔ ملتان روڈ اُتے شہری نے چالان توں بچن لئی گڈی وچ ہیلمٹ پا لیا۔
شہری دا انداز ویکھ کے ہور لوک وی ہسن اُتے مجبور ہو گئے۔ دوجے پاسے ذکر کیتے گئے شہری دا آکھنا سی کہ اوہ سیٹ بیلٹ بنھدا اے تے ٹریفک قانون دی پابندی وی کر دااے پر اوہنے گڈی وچ ہیلمٹ ایس لئی پایا تاں جے چالان نہ ہو جائے۔یاد رہوے کہ ایس توں پہلاں وی اک شہری نے چالان توں بچن لئی انوکھا طریقہ لبھدے ہوئے گتے دا ڈبہ پا کے سفرکیتاسی۔
