ماڈل ٹاؤن دُکھانت:سابق آئی جی پنجاب اُتے فرد جرم عائد، مشتاق سکھیرا دا جرم قبولن توں انکار

لاہور(پاکستان پوائنٹ نیوز09۔اکتوبر۔2018ء) اے ٹی سی وچ ماڈل ٹاؤن دُکھانت کیس دی سنوائی ہوئی۔ سنوائی دوران سابق آئی جی پنجاب مشتاق سکھیرا عدالت وچ پیش ہوئے۔ عدالت نے سابق آئی جی پنجاب مشتاق سکھیرا سنے 115ملزماں اُتے فرد جرم لا دتی۔ مشتاق سکھیرا نے جُرم قبولن توں انکار کر دتا۔ مشتاق سکھیرا نے عدالت ولوں فرد جرم عائد کرن دی کارروائی نوں ست دناں تیکر ملتوی کرن دی بینتی کیتی پر عدالت نے سابق آئی جی پنجاب دی بینتی نوں رد کرد ے ہوئے آکھیا کہ تُسیں فرد جرم پڑھ کے سائن کرو نہیں تے عدالت اپنا حکم جاری کرے گی۔ ایس دوران مشتاق سکھیرا نے فرد جرم پڑھ کے دستخط کر دتے۔ جیہدے مگروں عدالت نے کیس دی ہور سنوائی کل تیکر ملتوی کر دتی۔