ملتان(پاکستان پوائنٹ نیوز03۔اکتوبر۔2018ء) 4ہزار کلو ملاوٹی مرچ برآمد ہوئی اے۔ تفصیل مطابق پنجاب فوڈ اتھارٹی نے ملتان دے علاقے بنگلا دیشی مارکیٹ تے غلہ منڈی وچ جعلی لال مرچ تیار کرن والیاں تن فیکٹریاں اُتے چھاپا مار کے چار ہزار کلو مرچ برآمد کر لی اے۔ ڈی جی فوڈ اتھارٹی مطابق ایہناں تِناں فیکٹریاں وچ کپڑے رنگن والا رنگ استعمال کر کے لال مرچ تیار کیتی جا رہی سی۔
چار ہزار کلو تیار لال مرچ نوں قبضے وچ لے کے تِناں فیکٹر یاں نوں سیل کر دتا گیا اے۔ دوجے پاسے مظفر گڑھ دے علاقے بھٹہ پور وچ ڈی جی فوڈ اتھارٹی کیپٹن(ر) عثمان دی قیادت وچ پنجاب فوڈ اتھارٹی نے بھٹہ پور وچ 3اچار فیکٹریاں اُتے چھاپا ما رکے 50ہزار کلو گرام توں ودھ اچار قبضے وچ لے کے ضائع کر دتا۔فوڈ اتھارٹی مطابق تِنوں فیکٹریاں اک ای مالک دیاں سن، جیہناں نوں سیل کر دتا گیا اے۔
