رانا مشہود دا بیان:میاں نواز شریف دا وی ردعمل آ گیا

رانا مشہود دا بیان:میاں نواز شریف دا وی ردعمل آ گیا

اسلام آباد(پاکستان پوائنٹ نیوز03۔اکتوبر۔2018ء) سابق وزیر اعظم نواز شریف دا آکھنا اے کہ مسلم لیگ (ن) دے صدر شہباز شریف نے رانا مشہود دے بیان دا نوٹس لے لیا اے۔تفصیل مطابق اج احتساب عدالت وچ پیشی دے موقعے اُتے عدالتی کمرے وچ غیر رسمی گل بات کردے ہوئے نواز شریف کولوں پرچا کار نے سوال کیتا کہ رانا مشہود دے بیان اُتے تُسیں کیہ آکھو گے، جیہدے اُتے اوہناں نے آکھیا کہ شہباز شریف ایہدے اُتے نوٹس لے چکے نیں۔

سابق وزیر اعظم نے شعر دی صورت وچ ردعمل دیند ے ہوئے آکھیا کہ’غالب ہمیں نہ چھیڑ کہ پھر جوش اشک سے، بیٹھیں ہیں ہم تہیہ طوفاں کیے ہوئے‘۔نواز شریف نے پرچاکاراں نوں آکھیا کہ میرا ذہن کسے ہور کیفیت وچ اے تے تُسیں میرے کولوں سیاسی سوال پُچھ رہے او۔ یاد رہوے کہ پچھلے دیہاڑے مسلم لیگ (ن) تے اسٹیبلشمنٹ دے تعلقات بارے اہم خبر ساہمنے آئی سی ۔ پاکستان مسلم لیگ (ن) دے رہنما رانا مشہود نے ایس بارے دعوا کردے ہوئے آکھیا سی اے کہ ساڈے اسٹیبلشمنٹ نال معاملات طے ہو گئے نیں۔

اوہناں دا کہنا سی کہ جے شہباز شریف وزیر اعظم ہوندے تے حالات کُجھ ہور ہوندے۔ رانا مشہود دا ہور کہنا سی کہ اداریاں دے تھنک ٹھیک نوں ہن صورتحال دا پتا لگا اے۔ طے ہو گیا اے کہ جس ادارے دا جو کم اے اوہ کرے۔ جیہناں نوں گھوڑے سمجھیا گیا اوہ کھچر نکلے نیں، جیہدے مگروں معاملات ٹھیک ہوئے۔ رانا مشہود نے دعوا کیتا کہ (ن) لیگ پنجاب وچ دو مہینیاں اندر فیر حکومت بنا سکدی اے۔

اوہناں دا کہنا سی کہ حالات ٹھیک ہون تیکر نواز شریف تے مریم نواز دا لہجہ سخت رہوے گا۔پربعدوں رانا مشہود نے یوٹرن لیندے ہوئے اپنے بیان نوں کر دتا سی۔رانا مشہود دا آکھنا سی کہ نجی ٹی چینل ولوں میرے بیان سیاق وسباق توں ہٹ کے آن ائر کیتے گئے، میری گل بات نوں خاص رنگ وچ پیش کیتا گیا۔اوہناں دا آکھنا سی کہ میں (ن) لیگ تے اسٹیبلشمنٹ دی ڈیل بارے کوئی بیان نہیں دتا۔دوجے پاسے مسلم لیگ (ن) ولوں وی رانا مشہود دے اسٹیبلشمنٹ نال ڈیل دے بیان نوں رد کیتا گیا سی۔ترجمان مسلم لیگ (ن) دا آکھنا سی کہ رانا مشہود ولوں دتے گئے بیان نال (ن) لیگ دا کوئی تعلق نہیں اے۔ رانا مشہود دا بیان اوہناں دی ذاتی رائے اے۔