اسلام آباد(پاکستان پوائنٹ نیوز02۔اکتوبر۔2018ء) حکومت نے جعلی خبراں نال نبڑن دا طریقہ لبھ لیا،جعلی خبراں تے افواہواں نال نبڑن لئی ٹویٹر اُتے اک حکومتی اکاؤنٹ بنا دتا گیا۔تفصیل مطابق پاکستان تحریک انصاف دی حکومت نے وزارت اطلاعات دے ماتحت اک ٹویٹر اکاؤنٹ بنا دتا اے، جو حکومت خلاف چلن والیاں ساریاں جھوٹھیاں تے بے بنیاد خبراں دی نہ صرف نشان کاری کرے گا بلکہ جھوٹھے پراپیگنڈے نوں ختم وی کرے گا۔
ایس اکاؤنٹ نوں FakenewsBusterMoIBدا ناں دتا گیا اے۔ وفاقی وزیر اطلاعات فواد چودھری مطابق ایہ اکاؤنٹ نہ صرف سوشل میڈیا اُتے جھوٹھیاں اطلاعواں تے جھوٹھیاں تصویراں دی نشان کاری کرے گابلکہ ایس اکاؤنٹ راہیں افواہ نوں کھلارن والے سوشل میڈیا اکاؤنٹ تے ورتیندڑ(صارف) تیکر وی اپڑیا جائے گا۔
