شریف خاندان دی رہائی دا تفصیلی فیصلا آؤندے ہفتے جاری ہوئے گا

شریف خاندان دی رہائی دا تفصیلی فیصلا آؤندے ہفتے جاری ہوئے گا

اسلام آباد(پاکستان پوائنٹ نیوز29۔ستمبر۔2018ء) اسلام آباد ہائی کورٹ سابق وزیر اعظم نواز شریف، مریم نواز تے کیپٹن (ر) صفدر دی رہائی دا تفصیلی فیصلا آؤندے ہفتے جاری کر یگی۔ تفصیلی فیصلے وچ درخاست گزاراں تے نیب وکیلاں دے دلائل شامل ہون گے۔ اسلام آباد ہائیکورٹ نے شریف فیملی دی اپیل اُتے نواز شریف تے ہور نوں رہا کرن دا حکم دتا سی۔ میڈیا رپورٹس مطابق اسلام آباد ہائی کورٹ و چ سابق وزیر اعظم نواز شریف، اوہناں دی دھی مریم نواز تے کیپٹن (ر) صفدر دی رہائی دا تفصیلی فیصلا آؤندے ہفتے جاری کیتا جائے گا۔

اسلام آباد ہائی کورٹ دے جسٹس اطہر من اللہ تے جسٹس گل حسن تفصیلی فیصلا جاری کرن گے۔ تفصیلی فیصلے وچ سزا دی معطلی تے ضمانت اُتے رہائی دی وجہ وی درج ہوئے گی۔چیتے رہوے کہ چالو مہینے اسلام آباد ہائی کورٹ نے سابق وزیر اعظم نواز شریف، اوہناں دی دھی مریم نواز تے داماد کیپٹن (ر)صفدر دی سز ا معطل کردے ہوئے اوہناں نوں رہا کرن دا حکم جاری کیتا سی۔

عدالت نے ایس موقعے تے نواز شریف، مریم نواز تے کیپٹن (ر) صفدر نوں 5,5لکھ رُپئے دے ضمانتی مچلکے وی جمع کروان دا حکم دتاسی۔ جیہدے مگروں کوئی رات دے 8وجے میاں نواز شریف، مریم نواز تے کیپٹن (ر) صفدر اڈیالا جیل توں جہاز راہیں لاہور ائر پورٹ اپڑے جتھے کارکناں نے اوہناں دا چاہواں نال استقبال کیتا۔ جیہدے بعد نواز شریف، مریم نواز تے کیپٹن (ر) صفدر جاتی امرا چلے گئے سن۔