لاہور(پاکستان پوائنٹ نیوز22۔ستمبر۔2018ء) جاتی امرا وچ مقیم سابق وزیراعظم نواز شریف دے داماد و مریم نواز دے خاوند کیپٹن (ر) صفدر دی طبیعت اچانک خراب ہو گئی۔ تفصیل مطابق جاتی امرا وچ مقیم سابق وزیراعظم نواز شریف دے داماد و مریم نواز دے شوہر کیپٹن (ر) صفدر دی طبیعت اچانک خراب ہو گئی اے۔ کیپٹن (ر) صفدر نوں معدے وچ درد ہوئی جیہدے پاروں اوہناں دی طبیعت خراب ہوگئی۔
کیپٹن (ر) صفدر نے طبیعت خراب ہون اُتے ڈاکٹراں نال رابطہ کر لیا اے۔یاد رہوے کہ 19ستمبر نوں اسلام آباد ہائی کورٹ نے سابق وزیر اعظم نواز شریف، اوہناں دی دھی مریم نواز تے داماد کیپٹن (ر)صفدر دی سز ا معطل کردے ہوئے اوہناں نوں رہا کرن دا حکم جاری کیتا سی۔ عدالت نے ایس موقعے تے نواز شریف، مریم نواز تے کیپٹن (ر) صفدر نوں 5,5لکھ رُپئے دے ضمانتی مچلکے وی جمع کروان دا حکم دتاسی۔
جیہدے مگروں کوئی رات دے 8وجے میاں نواز شریف، مریم نواز تے کیپٹن (ر) صفدر اڈیالا جیل توں جہاز راہیں لاہور ائر پورٹ اپڑے جتھے کارکناں نے اوہناں دا چاہواں نال استقبال کیتا۔ جیہدے بعد نواز شریف، مریم نواز تے کیپٹن (ر) صفدر جاتی امرا چلے گئے سن۔پر ہن جاتی امرا وچ مقیم سابق وزیراعظم نواز شریف دے داماد و مریم نواز دے شوہر کیپٹن (ر) صفدر دی طبیعت اچانک خراب ہو گئی۔ کیپٹن (ر) صفدر نوں معدے وچ درد ہوئی جیہدے پاروں اوہناں دی طبیعت خراب ہوگئی۔ کیپٹن (ر) صفدر نے طبیعت خراب ہون اُتے ڈاکٹراں نال رابطہ کر لیا اے۔
