لاہور(پاکستان پوائنٹ نیوز22۔ستمبر۔2018ء) وزیر اعظم عمران خان نے بھارتی رویے اُتے مایوسی دا اظہا ر کرد ے ہوئے آکھیا اے کہ بھار ت دے منفی جواب اُتے مایوسی ہوئی، میری دعوت اُتے بھارت دا جواب منفی تے تکبر بھریا اے ، بھارت نوں امن مذاکرات دی بحالی دی دعوت دتی سی۔ اوہناں نے بھارت ولوں وزرائے خارجا ملاقات بارے منفی جواب دین اُتے ٹویٹر پیغام وچ آکھیا کہ بھارت نے منفی ردعمل دا اظہار کیتا اے۔
بھارت دے منفی جواب اُتے مایوسی ہوئی۔ وزیر اعظم عمران خان نے آکھیا کہ بھارت نوں امن مذاکرات دی بحالی دی دعوت دتی سی۔ میری دعوت اُتے بھارت دا جواب منفی تے تکبر بھریا اے۔ اوہناں نے آکھیا کہ نِکے لوک وڈے عہدیاں اُتے اَپڑ وی جان تے اوہناں دی سوچ نِکی رہندی اے۔ ایہ میری زندگی دا نچوڑ اے۔ بھارت نے اک وار فیر ہٹ دھرمی دی روایت برقرار رکھدے ہوئے اعلان مگروں پاک وزرائے خارجا ملاقات منسوخ کر دتی جدکہ پاکستان نے آکھیا اے کہ ملاقات دے اعلان مگروں 24گھنٹیاں اندر اوہدی منسوخی لئی بھارت ولوں بیان کیتی گئی وجہ سمجھوں باہر اے۔
ملاقات منسوخی لئی نام نہاد بہانے لبھے گئے، پاکستان خلاف الزام لائے گئے، وزیر اعظم عمران خان خلاف بھارتی وزارت خارجا دا بیان افسوسناک اے تے مہذہب روایتاں و سفارتی آداب دے اُلٹ اے۔
