اسلام آباد(پاکستان پوائنٹ نیوز19۔ستمبر۔2018ء) اسلام آباد ہائی کورٹ دے فیصلے اُتے پاکستان تحریک انصاف دا ردعمل آگیا۔ پاکستان تحریک انصاف دے رہنما سینیٹر فیصل جاوید دا کہنا سی کہ مسلم لیگ (ن) دا جشن 20اپریل ورگا اے کیونکہ ایہ لوک بری نہیں ہوئے۔ ایہناں دی اصل منزل اڈیالا جیل اے۔ اوہناں نوں واپس اوتھے جانا پئے گا جتھوں باہر آ رہے نیں۔ تفصیل مطابق اسلام آباد ہائی کورٹ نے سابق وزیر اعظم نواز شریف، اوہناں دی دھی مریم نواز تے داماد کیپٹن (صفدر) دی سز ا معطل کردے ہوئے اوہناں نوں رہا کرن دا حکم جاری کر دتا اے۔
عدالت نے نواز شریف، مریم نواز تے کیپٹن (ر) صفدر نوں 5,5لکھ رُپئے دے ضمانتی مچلکے وی جمع کروان دا حکم دتا ۔ دوجے پاسے اسلام آباد ہائی کورٹ دا فیصلا آؤندے نیب حکام وچ تھرتھلی پے گئی تے نیب نے اسلام آباد ہائی کورٹ دا فیصلا چیلنج کرن دا فیصلا کر لیا۔ نیب وسیلیاں مطا بق نیب ولوں اسلام آباد ہائی کورٹ دا فیصلا سپریم کورٹ وچ چیلنج کیتا جائے گا۔
نیب وسیلیاں مطابق اسلام آباد ہائی کورٹ دا فیصلا چیلنج کرن لئی قانونی ماہراں نوں وی صلاح لئی سد لیا گیا اے۔ قانونی ماہراں نال صلاح مگروں اسلام آباد ہائی کورٹ دے فیصلے دا جائزہ لِتا جائے گا جیہدے بعد فیصلے نوں عدالت عظمی وچ چیلنج کیتا جائے گا۔ایس توں وکھ فیصلے اُتے پاکستان تحریک انصاف دا ردعمل وی ساہمنے آیا اے۔ پاکستان تحریک انصاف دے رہنما سینیٹر فیصل جاوید دا کہنا سی کہ مسلم لیگ (ن) دا جشن 20اپریل ورگا اے کیونکہ ایہ لوک بری نہیں ہوئے۔ ایہناں دی اصل منزل اڈیالا جیل اے۔ اوہناں نوں واپس اوتھے جانا پئے گا جتھوں باہر آ رہے نیں۔
