اسلام آباد(پاکستان پوائنٹ نیوز19۔ستمبر۔2018ء) اسلام آباد ہائی کورٹ نے سابق وزیر اعظم نواز شریف، اوہناں دی دھی مریم نواز تے داماد کیپٹن (ر) صفدر دی سز امعطل کردے ہوئے اوہناں نوں رہا کرن دا حکم دے دتا۔تفصیل مطابق اسلام آباد ہائی کورٹ نے سابق وزیر اعظم نواز شریف، اوہناں دی دھی مریم نواز تے داماد کیپٹن (صفدر) دی سز ا معطل کردے ہوئے اوہناں نوں رہا کرن دا حکم جاری کر دتا اے ۔
عدالت نے نواز شریف، مریم نواز تے کیپٹن (ر) صفدر نوں 5,5لکھ رُپئے دے ضمانتی مچلکے وی جمع کروان دا حکم دتا۔ اسلام آباد ہائی کورٹ وچ فیصلے ویلے پارٹی صدر شہباز شریف، پارٹی دے مرکزی رہنما و پارٹی کارکن وی موجود سن۔ایس موقعے تے نواز شریف نال شہباز شریف دی ملاقات سپرنٹنڈنٹ اڈیالا جیل دے دفتروچ ہوئی۔ ملاقات دوران مرتضی جاوید عابد، چودھری تنویر، سردار مہتاب عباسی وی موجود سن۔ ایس موقعے تے نواز شریف د اکہنا سی کہ مینوں پتا سی کہ میں بے گناہ آں۔ میں کوئی غلط کم نہیں کیتا، میرا ضمیر مطمئن سی۔ رب حق تے انصاف دا ساتھ دیند ا اے۔
