10ویں محرم مگروں اجیہی خبر آئے گی جو 65سال وچ کسے نے نہیں سُنی:فیصل واوڈا

10ویں محرم مگروں اجیہی خبر آئے گی جو 65سال وچ کسے نے نہیں سُنی:فیصل واوڈا

کراچی(پاکستان پوائنٹ نیوز18۔ستمبر۔2018ء) پاکستان تحریک انصاف دے رکن قومی اسمبلی فیصل واوڈا نے آکھیا اے کہ 10ویں محرم الحرام مگروں اجیہی خبر آئے گی جو 65سال وچ کسے نے نہیں سُنی۔ میڈیا نال گل بات کردے ہوئے فیصل واوڈا نے آکھیا کہ 18 ویں ترمیم وچ ملک توڑن دی سازش ہوئی سی، ایس سازش دے تحت (ن) لیگ، پی پی نے بلیک منی نوں وائٹ بنایا اے۔اوہناں نے آکھیا کہ وزیر اعظم عمران خان نے فیصلا کیتا چھیتی خبر سُنن نوں ملے گی ، بغیر کم کیتے 35ارب رُپئے اکاؤنٹ وچ آن والیاں خبراں چھیتی ساہمنے آن گیاں۔

اوہناں نے آکھیا کہ آئی ایم ایف کولوں قرضے ذاتی خرچ لئی نہیں لِتے جان گے بلکہ لوکائی دے مسئلے حل کیتے جان گے۔ بیتے ویلے وچ حکمران کسے ملک کول گئے تے اوہ کشکول لے کے گئے۔ تحریک انصاف دے رہنما نے آکھیا کہ پاکستان وچ آخری ڈیم 1969وچ بنیا سی ایہدے مگروں کُجھ نہیں ہویا۔ ملک دا حلیہ وگاڑن والیاں دا ایہ کہنا اے کہ پاکستان ٹھیک ہو جائے تے تبدیلی ای اے، حکومت ہن جاگ گئی اے تے ترجیحی بنیاداں اُتے مسئلے حل کرن لئی کم کر رہی اے۔