چینی وزیر خارجا دی فارن آفس آمد

شاہ محمود قریشی نے استقبال کیتا، ون آن ون ملاقات

چینی وزیر خارجا دی فارن آفس آمد
شاہ محمود قریشی نے استقبال کیتا، ون آن ون ملاقات

اسلام آباد(پاکستان پوائنٹ نیوز08۔ستمبر۔2018ء) چینی وزیر خارجا وانگ ژی دی دفتر خارجا آمد، پاکستانی ہم منصب شاہ محمود قریشی نے اوہناں دا استقبال کیتا، دوویں رہنماواں وچکار ون آن ون ملاقات ہوئی۔ نجی ٹی وی مطابق دفتر خارجا ولوں جاری کیتے گئے اک بیان مطابق چین دے سٹیٹ قونصلر و وزیر خارجا وانگ ژی پچھلے دیہاڑے تن دناں دے دورے اُتے پاکستان اپڑے۔

اوہناں نال تن ہور وزیر وی پاکستان آئے نیں۔چین ولوں پاکستان دے زرمبادلا دے ذخائر وچ بہتری لئی تعاون اُتے اتفاق کیتا جائے گا۔ وسیلیاں مطابق سی پیک منصوبیاں اُتے کم دی رفتا تیز کرن تے خاص طور اُتے اکنامک زون چھیتی مکمل کرن بارے وی گل بات ہوئے گی۔ ایس توں وکھ علاقائی صورتحال خاص طور اُتے افغانستان نال مذاکرات ، بھارت تے امریکا وچکار ’ٹو پلس ٹو‘بارے وی گل بات ہوئے گی۔ ایس توں وکھ چینی وزیر خارجا دی صدر مملکت و وزیر اعظم عمران خان نال ملاقات وی اج ای ہون دی آس اے۔