باہرلے ملک بنک اکاؤنٹس دا معاملا:سپریم کورٹ دا روزانہ دی بنیاد اُتے کیس دی سنوائی کرن دا فیصلا

باہرلے ملک بنک اکاؤنٹس دا معاملا:سپریم کورٹ دا روزانہ دی بنیاد اُتے کیس دی سنوائی کرن دا فیصلا

اسلام آباد(پاکستان پوائنٹ نیوز05۔ستمبر۔2018ء) سپریم کورٹ نے باہرلے ملک بنک اکاؤنٹس دے معاملے اُتے روزانہ دی بنیاد اُتے کیس دی سنوائی کرن دا فیصلا کیتا اے۔ بدھ نوں پاکستانیاں دے باہرلے ملک بنک اکاؤنٹس تے جائیداد بارے کیس دی سنوائی ہوئی۔ اٹارنی جنرل انور منصور نے وزیر اعظم نال ملاقات تیکر ویلا دین دی بینتی کیتی۔اٹارنی جنرل نے آکھیا کہ وزیر اعظم نال ملاقات دوران معاملے بارے پالیسی بنائے جائے گی ۔

ہفتے دی مہلت دے دیو۔ ساریاں تفصیلاں عدالت وچ پیش کر دیواں گے۔ چیف جسٹس نے آکھیا ملکوں لُٹ کے باہرلے ملک دولت لُکانا کوئی معمولی جرم نہیں۔چیف جسٹس دا کہنا سی کہ باہرلے ملک اثاثیاں دے مقدمے روزانہ دی بنیاد اُتے سنوائی کراں گے۔ یاد رہوے کہ باہرلے ملک اثاثیاں دے معاملے اُتے آؤندی سنوائی اک ہفتے مگروں ہوئے گی۔