لاہور(پاکستان پوائنٹ نیوز30۔اگست۔2018ء) وزیر اعظم عمران خان دی ہدایت اُتے کابینہ ڈویژن نے جدید گڈیاں د ی نیلامی لئی تیاری شروع کر دتی اے۔ نیلامی آؤندے مہینے کیتی جائے گی، ایہناں گڈیاں وچ شاہد خاقان عباسی دے دور وچ نویاں منگوائیاں گئیاں 6مرسڈیز ایس 600وی شامل نیں۔ نجی ٹی وی مطابق وزیراعظم عمران خان دی ہدایت اُتے کابینہ ڈویژن نے نیلامی دی تیاری شروع کر دتی اے۔
جیہدے تحت وزیر اعظم ہاؤس دیاں جدید گڈیاں دی نیلامی دا عمل آؤندے مہینے شروع ہو جائے گا۔گڈیاں دی نیلامی توں حاصل ہون والے پیسے قومی خزانے وچ جمع کروائے جان گے۔ دسیا گیا اے کہ نیلامی دیاں گڈیاں وچ شاہد خاقان عباسی دے دور وچ نویاں لئیاں گئیاں 6مرسڈیز ایس 600وی شامل نیں۔ تھوڑے چِر لئی آن والے وزیر اعظم شاہد خاقان عباسی نے جدید گڈیاں منگوا کے خزانے نوں نقصان اپڑایا سی۔ اک گڈی دی قیمت 18کروڑ رُپئے اے۔ ساریاں گڈیاں ہائی ٹک تے بم پروف نیں۔
