عمران خان دی تقریر وچ کنٹینر دی تھاں کرسی میز سی:سینیٹر آصف کرمانی

عمران خان دی تقریر وچ کنٹینر دی تھاں کرسی میز سی:سینیٹر آصف کرمانی

لاہور(پاکستان پوائنٹ نیوز20۔اگست۔2018ء) مسلم لیگ (ن) دے سینیٹر ڈاکٹر آصف کرمانی نے آکھیا اے کہ عمران خان دیاں پچھلیاں تقریراں تے کل دی تقریر وچ کوئی فرق نہیں سی، فرق صرف اینا سی کہ ایس وار کنٹینر دی تھاں میز کرسی سی۔ تفصیل مطابق اوہناں نے اج عمران خان دی وزیر اعظم بنن مگروں قوم نال کیتی گئی تقریر اُتے اپنے ردعمل وچ آکھیا کہ عمران خان دی تقریر وچ کوئی فرق نہیں سی تقریر وچ کنٹینر دی تھاں کرسی میز سی۔اوہناں دا کہنا سی کہ مسئلا کشمیر دا ذکر نہ کر کے عمران خان کشمیریاں دیاں قربانیاں نوں نظر انداز کرگئے۔ اوہناں نے آکھیا کہ بیتے ویلے وچ ہنڈی دی ترغیب دین والا اج اوورسیز پاکستانیاں نوں پاکستانی بنکاں وچ ڈالر گھلن دی اپیل کر رہیا اے۔