اسلام آباد(پاکستان پوائنٹ نیوز20۔اگست۔2018ء) سابق وزیر اعظم نواز شریف تے اوہناں دی دھی مریم نواز اڈیالا جیل وچ احتساب عدالت ولوں دتی جان والی سزا کٹ رہے نیں۔ سابق وزیر اعظم نواز شریف وڈی عید جیل وچ ای منان گے۔ وسیلیاں نے دسیا کہ سابق وزیر اعظم نواز شریف اڈیالا جیل وچ اک درجن توں ودھ جنوراں دی قربانی دین گے۔قربانی دا گوشت قیدیاں، حوالاتیاں تے جیل ملازماں وچکار ونڈیا جائے گا۔
وسیلیاں مطابق نواز شریف دی اڈیالا جیل وچ موجودگی دی وجہ توں عید دی نماز لئی خاص اہتمام کیتا گیا اے۔ عید دی نماز پڑھن لئی جیل دے قیدیاں نوں دعوت دتی گئی اے جدکہ نواز شریف عید دی نماز مگروں قیدیاں نال عید وی ملن گے۔ اج احتساب عدالت وچ پیشی مگروں چاکار نے سابق وزیر اعظم کولوں سوال کیتا کہ سُنیا اے تُسیں عید ساڈے نال منا رہے او؟جیہدے اُتے نواز شریف نے آکھیا کہ اللہ تہاڈی زبان مبارک کرے۔ یاد رہوے کہ ایس توں پہلاں سابق وزیر اعظم نواز شریف نے اڈیالا جیل وچ آزادی دیہاڑ وی منایا سی۔ میڈیا رپورٹس مطابق نواز شریف نے اڈیالا جیل وچ قیدیاں نال آزادی دا جشن منایا۔سابق وزیراعظم نواز شریف نے جیل وچ 10،10پاؤنڈ دے3 کیک وی منگوائے سن۔
