کراچی(پاکستان پوائنٹ نیوز17۔اگست۔2018ء) سپریم کورٹ آف پاکستان ولوں دیامر بھاشا تے مہمند ڈیماں دی اُساری لئی بنائے گئے فنڈ وچ عطیات آن دا سلسلا جاری اے پر مجموعی طور اُتے ڈیم وچ 13اگست تیکر تقریبن 86کروڑ 18لکھ رُپئے دے عطیات جمع ہو گئے نیں۔ سٹیٹ بنک دے آنکڑیاں(اعداد و شمار) مطابق 13اگست نوں 2کروڑ 20لکھ رُپئے توں ودھ عطیات فنڈ وچ آئے۔ ایس طرحاں 9اگست نوں 8کروڑ74لکھ رُپئے، 8اگست نوں 6کروڑ34لکھ رُپئے تے چھ اگست نوں 4کروڑ 49لکھ رُپئے جمع ہوئے نیں۔
سپریم کورٹ دے دیامر بھاشا تے مہمند ڈیم فنڈ وچ باہر بیٹھے پاکستانیاں ولوں 69لکھ توں ودھ پیسے جمع کروائے گئے نیں جدکہ ملک اندر پاکستانیاں ولوں مجموعی طور اُتے 85کروڑ48لکھ رُپئے جمع کروائے گئے نیں۔ ملک اندروں 3کروڑ91لکھ رُپئے ایس ایم سروس راہیں ملے، دو کروڑ 6لکھ رُپئے انٹر بنک ٹرانسفر سروس راہیں آئے۔
