جے عمران خان وزیر اعظم بن گیا تے میں اپنے آپ نوں گولی مار لواں گا:سابق وزیر اعظم دے بھرا دی ویڈیو وائرل

جے عمران خان وزیر اعظم بن گیا تے میں اپنے آپ نوں گولی مار لواں گا:سابق وزیر اعظم دے بھرا دی ویڈیو وائرل

اسلام آباد(پاکستان پوائنٹ نیوز17۔اگست۔2018ء) قومی اسمبلی وچ اج قائد ایوان لئی ووٹنگ ہوئے گی۔ ووٹنگ پوری ہون مگروں وزیر اعظم دے ناں دا اعلان کیتا جائے گا۔ قومی اسمبلی وچ تحریک انصاف کول گنتی پوری اے جیہدی وجہ توں پاکستان تحریک انصاف دے چیئرمین عمران خان دے ای ملک دا 22واں وزیر اعظم بنن دی بُہتی آس کیتی جا رہی اے۔ عمران خان دے وزیر اعظم بنن وچ ساریاں اوکڑاں ہولی ہولی ختم ہو رہیاں نیں۔ ایہدے اُتے پاکستان تحریک انصاف دے سپوٹرز تے ووٹرز بہت خش نیں ۔ دوجے پاسے سوشل میڈیا اُتے سابق وزیر اعظم راجا پرویز اشرف دے نِکے بھرا راجا جاوید دی اک ویڈیو سوشل میڈیا اُتے وائرل ہوئی جیہدے وچ راجا جاوید اشرف دا کہنا سی کہ عمران خان تبدیلی لیان دی گل کردا اے۔ ایس توں پہلے اوہ کِنی تبدیلی لیا چکیا اے؟اوہناں نے آکھیا کہ میں قسم کھا کے تے رب نوں حاضر ناظر جان کے آکھنا واں کہ جے عمران خان 100وار وی پیدا ہوئے ، فیر وی اوہ ملک دا وزیراعظم نہیں بن سکدا۔ ایس ویڈیو اُتے راجا پرویز اشرف دے بھرا نے قسم کھاندے ہوئے ہور آکھیا کہ عمران خان ایس ملک دا وزیراعظم بن گیا تے میں اپنے آپ نوں گولی مار لواں گا۔ سوشل میڈیا اُتے وائرل ہون والی ویڈیو تُسیں وی ویکھو: