جیل وچ نماز وی اپنے سیل اندر پڑھنا واں، مینوں اپنے سیل توں باہر جان دی اجازت نہیں:نواز شریف

جیل وچ نماز وی اپنے سیل اندر پڑھنا واں، مینوں اپنے سیل توں باہر جان دی اجازت نہیں:نواز شریف

اسلام آباد(پاکستان پوائنٹ نیوز15۔اگست۔2018ء) سابق وزیر اعظم نواز شریف نے آکھیا اے کہ جیل وچ اپنے سیل اندر رہنا واں تے نماز وی اپنے سیل اندر ای پڑھنا واں۔ باہر جان دی اجازت نہیں، اللہ دا شکر اے ہن طبیعت بہتر اے، مریم نال صرف ملاقات والے دن ای ملاقات ہوندی اے۔ نواز شریف نے اڈیالا جیل وچ قید ہون مگروں پہلی وار نیب ریفرنسز دے موقعے تے پرچا کاراں نال غیر رسمی گل بات کیتی۔

ایس موقعے تے پرچا کار نے سوال کیتا کہ تہاڈی طبیعت کیسی اے؟جیہدے اُتے نواز شریف نے آکھیا کہ الحمد اللہ ٹھیک آں۔ پرچا کار نے پُچھیا کہ کیہ تُسیں قید تنہائی وچ او؟جیہدے اُتے نواز شریف نے آکھیا جی تُسیں آکھ سکدے او۔ اک ہور پرچا کار نے اوہناں کولوں پُچھیا کہ کیہ تُسیں مسجد جا کے نماز پڑھدے او ؟جیہدے اُتے نواز شریف نے آکھیا کہ نماز سیل وچ ای پڑھنا واں۔ باہر جان دی اجازت نہیں اے۔ مریم نواز نال ملاقات بارے سوال دے جواب وچ نواز شریف نے آکھیا کہ مریم نال صرف ملاقات والے دن ای ملاقات ہوندی اے۔چیتے رہوے کہ اڈیالا جیل وچ جمعرات دا دن قیدیاں نال ملاقات دا دن اے تے اوسے دن مسلم لیگ (ن) دے رہنما نواز شریف تے مریم نواز نال ملاقات لئی آؤندے نیں۔