نواز شریف نے اڈیالا جیل وچ قیدیاں نال آزادی دا جشن منایا

سابق وزیراعظم نواز شریف نے جیل وچ 10،10پاؤنڈ تے3 کیک وی منگوائے

نواز شریف نے اڈیالا جیل وچ قیدیاں نال آزادی دا جشن منایا
سابق وزیراعظم نواز شریف نے جیل وچ 10،10پاؤنڈ تے3 کیک وی منگوائے

لاہور(پاکستان پوائنٹ نیوز14۔اگست۔2018ء) اج ملک بھر وچ پاکستان دی 71ویں سالگرھا منائی جا رہی اے۔ ایس موقعے تے سارے سرکاری و نیم سرکاری دفتراں تے تعلیمی اداریاں وچ تقریباں جاری نیں۔جدکہ سابق وزیر اعظم نواز شریف نے وی اڈیالا جیل وچ آزادی دیہاڑ منایااے۔ میڈیا رپورٹس مطابق نواز شریف نے اڈیالا جیل وچ قیدیاں نال آزادی دا جشن منایا۔سابق وزیراعظم نواز شریف نے جیل وچ 10،10پاؤنڈ تے3 کیک منگوائے تے قیدیاں نال جشن منایا۔

چیتے رہوے کہ سابق وزیر اعظم نواز شریف اپنی دھی مریم نواز نال اڈیالا جیل وچ ایون فیلڈ ریفرنس کیس وچ احتساب عدالت ولوں ملن والی سزا کٹ رہے نیں۔ایس توں وکھ اج پاکستان مسلم لیگ (ن) دے صدر شہباز شریف نے پارٹی سیکرٹریٹ وچ آزادی دیہاڑ دے حوالے نال منعقد کیتی جان والی اک تقریب وچ پرچم کشائی کیتی۔ پاکستان دے 71ویں آزادی دیہاڑ دے موقعے تے پاکستان مسلم لیگ (ن) دے پارٹی سیکرٹریٹ وچ پرچم کشائی دی تقریب د اآہرکیتا گیا ۔ تقریب وچ شہباز شریف نے وی رلت کیتی تے پرچم کشائی کیتی۔ ایس تقریب دیاں تصویراں پاکستان مسلم لیگ (ن) دے آفیشل ٹویٹر اکاؤنٹ اُتے وی شیئر کیتیاں گئیاں، جیہناں نوں سوشل میڈیا ورتیندڑاں(صارفین) نے پسند کیتا۔