اسلام آباد( پاکستان پوائنٹ نیوز10۔اگست۔2018ء ) برطانوی اخبار نے دعوا کیتا اے کہ پاکستان اسلامی ترقیاتی بنک کولوں چار ارب ڈالر قرض لین دی منصوبہ بندی کر رہیا اے۔ فنانشل ٹائمز دی رپورٹ مطابق اسلامی ترقیاتی بنک نے قرض دین اُتے رضا مندی وی ظاہر کرد تی اے جیہدے لئی کاغذی کارروائی پوری ہو گئی اے ۔ بنک نوں نویں حکومت آن دی اُڈیک اے۔غیر ملکی میڈیا رپورٹ وچ سٹیٹ بنک دے اہلکار جو آئی ڈی بی نال مذاکرات دا حصہ سن، دا حوالا دیندے ہوئے دسیا گیا کہ ڈیل وچ سعودی عرب نے کردار ادا کیتا جو پاکستان نوں چالو معاشی بحران توں کڈھن وچ اپنا کردار نبھانا چاہندا اے۔
پاکستان دے متوقع وزیر خزانہ اسد عمر ایس توں پہلاں آکھ چکے نیں کہ پاکستان نوں آئی ایم ایف وچ جان یاں نہ جان دا فیصلا ستمبر تیکر کرنا پئے گا۔
