پاکستان دے زرمبادلا ذخائر وچ وادھاہوگیا

کراچی( پاکستان پوائنٹ نیوز09۔اگست۔2018ء ) پاکستان دے زر مبادلا ذخائر وچ وادھاہوگیا، سٹیٹ بنک دے ذخائر 1کروڑ 94لکھ ڈالر وادھے نال 10ارب 36کروڑ ڈالر ہوگئے، مجموعی ملکی زرمبالا ذخائر 17ارب ڈالر توں ودھ گئے۔ تفصیل مطابق مشکل معاشی حالات دے شکار پاکستان دے حوالے نال چنگی خبر ساہمنے آئی اے۔ سٹیٹ بنک آف پاکستان ولوں جمعرات دے دیہاڑے جاری اعلامیے وچ دسیا گیا اے کہ پاکستان دے غیر ملکی زرمبادلا ذخائر وچ وادھا ہویا اے۔

سٹیٹ بنک دے ذخائروچ 1کروڑ94لکھ ڈالر دا وادھا ہویا اے۔ وادھے نال سٹیٹ بنک دے غیر ملکی زرمبالا ذخائر10ارب 36کروڑ ڈالر ہو گئے نیں۔ جدکہ ملک دے مجموعی ملکی زرمبادلا ذخائر17ارب ڈالر توں ودھ گئے نیں۔ دوجے پاسے کمرشل بنکاں دے ذخائر 6ارب63کروڑ ڈالر ہو گئے نیں۔ چیتے رہوے کہ پاکستان نوں زرمبادلا ذخائر دی ڈاڈھی کمی دا ساہمنا اے۔ پاکستان نوں ایس ویلے مہینہ وار 2ارب ڈالرز دی کمی دا ساہمنا اے۔ ایسے کارن ممکنہ طور اُتے آن والے دناں وچ نویں حکومت آئی ایم ایف کول جا سکدی اے۔