کراچی( پاکستان پوائنٹ نیوز08۔اگست۔2018ء ) آصف زرداری دی چُپ دا بھانڈا بھج گیا۔آصف زرداری دا قریبی بندہ عمران خان نال رابطے وچ اے۔مشہور اینکر پرسن و تجزیہ نگار شاہد مسعود دا دعوا اے کہ آصف زرداری دا بہت قریبی بندہ عمران خان دے دست راست نال رابطے وچ اے۔ تفصیل مطابق پاکستان وچ ایس ویلے سیاسی گہما گہمی انبراں نوں چھوہ رہی اے تے الیکشن مگروں حکومت بنان لئی گٹھ جوڑ جاری اے۔
ایس حوالے نال اک پاسے پاکستان تحریک انصاف اپنے اتحادیاں نال رلکے نمبر گیم پوری کرن دی فلر وچ اے تے دوجے پاسے پاکستان تحریک انصاف دے مخالفاں نے وی تحریک انصاف نوں ٹکر دین دی تیاری کر لئی اے ۔ ایس سارے عمل وچ پاکستانی سیاست دے اہم کردار منجھے ناں سابق صدر آصف علی زرداری ولوں چُپ وٹی گئی اے جدکہ بلاول بھٹو وی چُپ نیں تے اوہناں دی ایس چُپ اُتے ہن کُھل کے ٹی وی چینلز تے سوشل میڈیا اُتے تبصرے ہون لگے نیں۔
ایس حوالے نال ڈاکٹر شاہد مسعود دا دعوا اے کہ آصف زراری عمران خان نال خفیہ ڈیل کرنا چاہندے نیں۔ پاکستان پیپلز پارٹی تحریک انصاف نال تعلق ودھانا چاہندے نیں۔ شاہ مسعود دے دعوے مطابق آصف زرداری بہت اہم تے قریبی بندے راہیں رابطے وچ نیں تے ایہو وجہ اے کہ آصف زرداری نے کل جماعتی کانفرنس دے اعلامیے نوں رد کردے ہوئے واضح کر دتا اے کہ الیکشن دے نتیجے نوں لے کے کسے وی قسم دا احتجاج نہیں ہوئے گا۔
