(ن) لیگ دا 8اگست نوں دھاندلی خلاف احتجاج دا اعلان

تاریخی دھاندلی زدہ الیکشن اُتے وائٹ پیپر جاری کراں گے،120دناں دے دھرنے نوں24گھنٹے لائیو کوریج مل سکدی اے پر اپوزیشن جماعتاں نوں کوریج نہیں دتی جا رہی، :مریم اورنگزیب دی اجلاس مگروں گل بات

(ن) لیگ دا 8اگست نوں دھاندلی خلاف احتجاج دا اعلان
تاریخی دھاندلی زدہ الیکشن اُتے وائٹ پیپر جاری کراں گے،120دناں دے دھرنے نوں24گھنٹے لائیو کوریج مل سکدی اے پر اپوزیشن جماعتاں نوں کوریج نہیں دتی جا رہی، :مریم اورنگزیب دی اجلاس مگروں گل بات

لاہور( پاکستان پوائنٹ نیوز06۔اگست۔2018ء ) پاکستان مسلم لیگ (ن) نے 8اگست نوں الیکشن کمیشن دے دفترساہمنے احتجاج دا اعلان کر دتااے، عمران خان نوں ملن والا مینڈیٹ جعلی اے، تاریخی دھاندلی زدہ الیکشن اُتے وائٹ پیپر جاری کراں گے۔ اوہناں نے مسلم لیگ (ن) دے مرکزی مجلس عاملا دے اجلاس مگروں میڈیا نال گل بات کرد ے ہوئے آکھیا کہ عمران خان نوں ملن والا مینڈیٹ جعلی اے۔

عمران خان نوں دھاندلی والا مینڈیٹ دین دی کوشش کیتی گئی۔ اجلاس وچ اوہدی مذمت کیتی گئی اے۔ اجلاس وچ دیامر سکول ساڑن دے واقعے دی مذمت کیتی گئی۔ اوہناں نے آکھیا کہ ہر روز عمران خان دے بیان دے اُلٹ شیواں نظر آن گیاں۔ اوہناں نے آکھیا کہ (ن) لیگ اودوں تیکر چین نال نہیں بیٹھے گی جدوں تیکر سچ لوکائی ساہمنے نہ لے آئے۔ مریم اورنگزیب نے آکھیا کہ تاریخی دھاندلی زدہ الیکشن اُتے وائٹ پیپر جاری کراں گے۔

مریم اورنگزیب نے آکھیا کہ شہباز شریف نے ہدایت کیتی اے کہ دھاندلی بارے وائٹ پیپر چھیتی مکمل کیتا جائے گا۔ تاں جے عام بندے ساہمنے سچ آ سکے۔ اوہناں نے دسیا کہ اپوزیشن جماعتاں ولوں شہباز شریف نوں وزارت عظمی دا سانجھا امیدوار نامزد کیتا گیا اے۔ اوہناں دا کہنا سی کہ اجلاس وچ فیصلا کیتا گیا اے کہ 8اگست نوں اسلام آباد وچ الیکشن کمیشن دے دفتر ساہمنے احتجاج کیتا جائے گا۔

الیکشن کمیشن دے دفتر ساہمنے ساریاں سیاسی جماعتاں دے ٹکٹ ہولڈرز شامل ہون گے۔ اوہناں نے آکھیا کہ پورے ملک دیاں سیاسی جماعتاں نوں اعتراض اے کہ فارم 45نوں روک لیا گیا سی تے آر ٹی ایس نوں وی استعمال نہیں کیتا گیا۔ اوہناں دا کہنا سی کہ 120دناں دے دھرنے نوں24گھنٹے لائیو کوریج مل سکدی اے پر اپوزیشن جماعتاں نوں کوریج نہیں دتی جا رہی۔