اسد عمر نوں ہسپتال توں ڈسچارج کر دتا گیا

اسد عمر نوں ہسپتال توں ڈسچارج کر دتا گیا

اسلام آباد( پاکستان پوائنٹ نیوز06۔اگست۔2018ء ) گھوڑے توں ڈگ کے زخمی ہون والے تحریک انصاف دے رہنما اسد عمر نوں ڈاکٹری معائنے مگروں ہسپتال توں ڈسچارج کر دتا گیا۔ وسیلیاں مطابق ہسپتال وچ اسد عمر دے سی ٹی سکین تے ہور ضروری ٹیسٹ کیتے گئے۔ ڈاکٹراں نے اسد عمر نوں آرام دا آکھیا۔ اوہ ویل چیئر اُتے گڈی تیکر گئے۔تحریک انصاف ولوں جاری اعلامیے مطابق اسد عمر دے گھوڑے توں ڈگ کے زخمی ہون دا واقعہ اسلام آباد دے دوالی پنڈ بڈانہ وچ پیش آیا، جتھے مقامی کارکناں نے الیکشن وچ کامیابی اُتے اوہناں دے اعزاز وچ تقریب دا اہتمام کیتا سی۔

مقامی روایت مطابق اسد عمر نوں گھوڑے اُتے بٹھایا جا رہیا سی کہ اوہ رکاب وچ پیر رکھدے ہوئے تِلک گئے ، تے بھار برابر نہ رکھدے ہوئے ڈگ پئے۔ جیہدی وجہ توں اوہناں نوں لک اُتے سٹ لگی۔