اسلام آباد( پاکستان پوائنٹ نیوز03۔اگست۔2018ء ) پاکستان مسلم لیگ (ن) نے فیصلا کیتا ا ے کہ شہباز شریف قومی اسمبلی وچ اپوزیشن لیڈر ہون گے، دوجے پاسے پیپلز پارٹی نے قائد ایوان دے الیکشن والے دن احتجاج دی مخالفت کر دتی۔ پیپلز پارٹی دا کہنا ا ے کہ اوس دن جے احتجاج کیتا گیا تے چنگی گل نہیں ہوئے گی، دوجے دیہاڑے بھرپور احتجاج ہونا چاہیدا۔ میڈیا رپورٹس مطابق سپیکر قومی اسمبلی ایاز صادق دے گھر ہم خیال جماعتاں دی جوائنٹ ایکشن کمیٹی دا اجلاس ہویا۔
اجلاس وچ مسلم لگ (ن)، پیپلز پارٹی، ایم ایم اے تے ہور جماعتاں نے رلت کیتی۔ دھاندلی دے حوالے نال ہون والے اجلاس وچ قائد ایوان، اپوزیشن لیڈر، سپیکر تے ڈپٹی سپیکر قومی اسمبلی سنے احتجاج کرن دے حوالے نال صلاح کیتی گئی۔اجلاس دوران پیپلز پارٹی نے قائد ایوان دے الیکشن والے دن احتجاج دی مخالفت کیتی۔ پیپلز پارٹی دا کہنا سی کہ اوس دن جے احتجاج کیتا گیا تے اوہ چنگی گل نہیں ہوئے گی۔
قائد ایوان دے چناؤ دے دوجے دیہاڑے بھرپور احتجاج کرنا چاہیدا۔ چیتے رہوے کہ پچھلے دیہاڑے اپوزیشن جماعتاں نے آؤندی حکمت عملی لئی 16رکنی کمیٹی بنائی سی۔ کمیٹی وچ سعد رفیق، احسن اقبال، مشاہد حسین سید، شیری رحمان، قمر زمان کائرہ،اویس نورانی، لیاقت بلوچ، گوہر حیدری، غلام احمد بلور، میاں افتخار، عثمان کاکڑ، رضا محمد، امیر کبیر، ملک ایوب سنے ہور شامل نیں۔ مسلم لیگ (ن) دی ترجمان مریم اورنگزیب نے آکھیاکہ سانجھی (مشترکہ) حکمت عملی لئی کمیٹی بنا دتی اے۔ اوہناں نے آکھیا کہ کمیٹی آؤندے لائحہ عمل تے ایوان دی کارروائی دے حوالے نال حکمت عملی طے کرے گی۔
