ووٹاں دی دوبارہ گنتی:پی ٹی آئی امیدوار ہار گیا

پشاور( پاکستان پوائنٹ نیوز02۔اگست۔2018ء ) پشاور دے حلقہ پی کے 70وچ بازی پلٹ گئی ۔ مڈھلے نتیجے مطابق جتن والے پی ٹی آئی دے امیدوار شاہ فرمان دوبارہ گنتی دوران عوامی نیشنل پارٹی دے امیدوار خوشدل خان ہتھوں ہار گئے۔ میڈیا رپورٹ مطابق پی کے 70توں خوشدل خان کامیاب ہو گئے نیں۔ خوشدل خان نے پی کے 70توں 15ہزار 544ووٹ لئے۔ اوہناں نے پی ٹی آئی امیدوار نوں 187ووٹاں توں ہرا دتا۔ایتھے ایہ گل ذکر جوگ (قابل ذکر) اے کہ پاکستان تحریک انصاف دے شاہ فرمان مڈھلے نتیجے وچ 74ووٹاں توں کامیاب ہوئے سن پر دوبارہ گنتی وچ بازی پلٹ گئی ۔ جیہدے مگروں ہن عوامی نیشنل پارٹی دیاں خیبرپختونخوا وچ سیٹاں دی گنتی 7ہو گئی اے۔ پی کے 70وچ ووٹاں دی دوبارہ گنتی چھ دناں توں جاری سی جواج پوری ہوئی۔