لاہور( پاکستان پوائنٹ نیوز28۔جولائی۔2018ء ) بحریہ ٹاؤن انتظامیہ نے ملک وچ دیامر بھاشا تے مہمند ڈیم دی اُساری لئی کروڑاں رُپئے دا عطیہ دے دتا۔ بحریہ ٹاؤن انتظامیہ نے دیامر بھاشا تے مہمند ڈیم دی اُساری لئی 4کروڑ26لکھ رُپئے عطیہ دے دتا۔ بحریہ ٹاؤن انتظامیہ ولوں جاری بیان وچ آکھیا گیا کہ ملکی سلامتی تے خشحالی لئی سارے وسائل ورتاں گے۔ ڈیمز بنا کے ملک نوں ہریا بھریا بناؤ تے بجلی بحران توں بچاؤ۔
تفصیل مطابق پاکستان بھر وچ ہر آؤندے دن نوں پانی دی کمی وچ وادھا ہو رہیا اے تے ایسے گل نوں مُکھ رکھدے ہوئے سپریم کورٹ نے 2ڈیمز بنان دا حکم جاری کیتا سی۔ پاکستان وچ ڈیمز دی اُساری(تعمیر) لئی آپ چیف جسٹس آف پاکستان جسٹس ثاقب نثار نے وی اپنی جیب وچوں 10لکھ رُپئے عطیہ دتا۔ ایس توں وکھ پاک فوج نے ڈیماں دی اُساری(تعمیر) وچ حصہ پان دا اعلان کیتا۔
آئی ایس پی آر مطابق تِنوں فوجاں دے سربراہ و افسر 2 جدکہ جوان اک دن دی تنخاہ کارخیر وچ جمع کروان گے۔ ترجمان پاک فوج میجر جنرل آصف غفور نے آکھیا کہ پاک فوج وی ڈیماں دی اُساری وچ اپنا حصہ ودھ کے پائے گی۔ پاک فوج دیامیر بھاشا ڈیم تے مہمند ڈیم دے فنڈز وچ حصہ قومی فرض سمجھدے ہوئے پائے گی۔ ایس توں وکھ سپریم کورٹ ولوں ڈیماں دی فنڈنگ لئی ایس ایم ایس دا آسان طریقہ کاروی متعارف کروا دتا گیا ، جیہدے تحت موبائل ورتیندڑ(صارف) میسج سروس راہیں 10رُپئے ڈیماں دی اُساری اکاؤنٹ وچ عطیہ کر سکدے نیں۔
جیہدے مگروں ہن تیکر سپریم کورٹ آف پاکستان ولوں دیامر بھاشا تے مہمند ڈیماں دی اُساری لئی قائم فنڈ وچ پیسے جمع کروان دا سلسلا جاری اے۔تازہ اطلاع مطابق بحریہ ٹاؤن انتظامیہ نے ملک وچ دیامر بھاشا تے مہمند ڈیم دی اُساری لئی کروڑاں رُپئے دا عطیہ دے دتا۔ بحریہ ٹاؤن انتظامیہ نے دیامر بھاشا تے مہمند ڈیم دی اُساری لئی 4کروڑ26لکھ رُپئے عطیہ دے دتا۔ بحریہ ٹاؤن انتظامیہ ولوں جاری بیان وچ آکھیا گیا کہ ملکی سلامتی تے خشحالی لئی سارے وسائل ورتاں گے۔ ڈیمز بنا کے ملک نوں ہریا بھریا بناؤ تے بجلی بحران توں بچاؤ۔
