لاہور( پاکستان پوائنٹ نیوز27۔جولائی۔2018ء ) مسلم لیگ (ن) شہباز شریف دی وجہ توں ہاری۔ مشہور پرچا کار سہیل وڑائچ دا کہنا اے کہ پاکستان تحریک انصاف دے چیئرمین عمران خان دا کمیونیکیشن لیول کمال دا اے۔ اوہناں اُتے ہمیشہ تنقید کیتی جاندی اے کہ اوہ سخت لہجہ ورتدے نیں تے اوہناں دی گل بات وچ وی تلخی ہوندی اے پر عمران خان نے کل بہت سوہنی تقریر کیتی۔
سہیل وڑائچ دا ہور کہنا سی کہ صدر (ن) لیگ شہباز شریف اپنے بھرا نواز شریف دے بیانیے توں بالکل اُلٹ چلے۔ جیہدی وجہ توں (ن)لیگ دا ووٹر کنفیوژ ہوگیا تے پاکستان مسلم لیگ (ن) دا اینٹی اسٹیبلشمنٹ ووٹ گھٹ ہو گیا۔ سہیل وڑائچ دا کہنا سی کہ شہباز شریف دے نواز شریف توں اُلٹ بیانیے دی توں (ن) لیگ دے ووٹراں اندر جو اک انتقام دی اگ سی اوہ مٹھی ہو گئی، جیہدا نقصان پاکستان مسلم لیگ (ن) نوں ہویا۔
چیتے رہوے کہ پاکستان تحریک انصاف نے عام انتخابات 2018وچ واضح برتری حاصل کیتی اے۔ملن والیاں اطلاعواں مطابق پاکستان تحریک انصاف پہلے جدکہ پاکستان مسلم لیگ (ن) دوجے نمبر اُتے اے۔ پاکستان مسلم لیگ (ن) ایہنوں دھاندلی والا الیکشن قرار دے چکی اے۔ مسلم لیگ (ن) دا کہنا اے کہ بند کمریاں وچ نتیجے تیار کیتے گئے۔ایس توں وکھ پاکستان تحریک انصاف دی جت اُتے پچھلے دیہاڑے پی ٹی آئی چیئرمین عمران خان نے اپنا پالیسی خطاب وی کیتا ، جیہنوں پاکستان سنے دنیا بھر وچ سلاہیا گیا۔
