الیکشن توں پہلاں ملالہ یوسفزئی دا اہم پیغام ساہمنے آ گیا

تہاڈے ہتھ وچ طاقت اے، گھروں نکلو ، ووٹ پاؤ، جمہوریت نوں ہر صورت وچ جِتنا چاہیدا:ملالہ یوسفزئی

الیکشن توں پہلاں ملالہ یوسفزئی دا اہم پیغام ساہمنے آ گیا
 تہاڈے ہتھ وچ طاقت اے، گھروں نکلو ، ووٹ پاؤ، جمہوریت نوں ہر صورت وچ جِتنا چاہیدا:ملالہ یوسفزئی

لاہور( پاکستان پوائنٹ نیوز24۔جولائی۔2018ء ) الیکشن 2018دے حوالے نال ووٹنگ وچ صرف کُجھ گھنٹے باقی نیں تے ساریاں سیاسی جماعتاں اپنے اپنے مخالفاں نوں ہران لئی تیارنیں۔ وڈے فیصلے توں پہلاں پچھلی رات ساریاں جماعتاں دی انتخابی مہم اپنے عروج اُتے اپڑ کے مُک گئی۔25جولائی دے حوالے نال الیکشن کمیشن نے وی پاکستانی لوکائی توں اپیل کیتی اے کہ کل اپنے گھروں نکلو تے پاکستان لئی ووٹ دیو۔

دوجے پاسے ساریاں سیاسی جماعتاں دے اہم رہنما وی ووٹراں توں اپیل کر رہے نیں کہ اوہ کل گھروں نکل کے ووٹ دی طاقت دا استعمال کرن ۔ایس توں وکھ ہن عالمی نوبیل انعام یافتہ ملالہ یوسفزئی نے وی لوکائی دے ناں اہم پیغام جاری کیتا اے۔ ملالہ جیہنوں سوانیاں دی تعلیم دے حوالے نال اک علامت سمجھیا جاندا اے ،نے اپنے پیغام وچ پاکستانی لوکائی تے خاص کر پاکستانی سوانیاں نوں آکھیا اے کہ تہاڈے ہتھ وچ طاقت اے، گھروں نکلو ، ووٹ پاؤ۔ جمہوریت نوں ہر صورت وچ جِتنا چاہیدا۔