سکیورٹی اداریاں نے الیکشن دوران تخریب کاری دی وڈی کوشش ناکام بنا دتی

سکیورٹی اداریاں نے الیکشن دوران تخریب کاری دی وڈی کوشش ناکام بنا دتی

راولپنڈی( پاکستان پوائنٹ نیوز21۔جولائی۔2018ء ) سکیورٹی اداریاں نے عام انتخابات دوران تخریب کاری دی کوشش ناکام بنا دتی۔ خفیہ اطلاع اُتے رینجرز تے خفیہ اداریاں نے پنجاب دے کئی علاقیاں وچ سرچ آپریشن کر کے کئی مشتبہ دہشت گرداں نوں گرفتار کر کے اوہناں دے قبضے توں اسلحہ تے گولا بارود برآمد کر لیا اے۔ تفصیل مطابق پاک فوج دے شعبہ تعلقات عامہ (آئی ایس پی آر) نے اپنے بیان وچ آکھیا کہ رینجرز تے خفیہ اداریاں نے پنجاب دے کئی علاقیاں وچ سرچ آپریشن کیتا اے۔

خفیہ اطلاع دی بنیاد اُتے کیتے گئے سرچ آپریشن وچ کئی مشتبہ دہشت گرداں نوں گرفتار کر کے اوہناں دے قبضے توں اسلحہ وی برآمد کیتا گیا۔ آئی ایس پی آر مطابق سرچ آپریشن اٹک، لاہور، قصور، فیصل آباد، رحیم یار خان، بہاولپور تے ڈی جی خان دے علاقیاں وچ کیتا گیا۔آئی ایس پی آر مطابق آپریشن دے نتیجے وچ تخریب کاری دیاں کارروائیاں روکن وچ مدد ملے گی۔