نیب نے فواد حسن فواد نوں گرفتار کر لیا

نیب نے فواد حسن فواد نوں گرفتار کر لیا

لاہور( پاکستان پوائنٹ نیوز05۔جولائی۔2018ء ) نیب نے آشیانہ اقبال ہاؤسنگ سکینڈل وچ فواد حسن فواد نوں گرفتار کر لیا۔ میڈیا رپورٹ مطابق نیب لاہور نے آشیانہ اقبال ہاؤسنگ سکینڈل وچ سابق وزیر اعظم دے پرنسپل سیکرٹری فواد حسن فواد نوں گرفتار کر لیا اے۔ رپورٹ وچ دسیا گیا کہ فواد حسن فواد دی گرفتاری مگروں اوہناں کولوں سکینڈل بارے تفتیش کیتی جائے گی۔

فواد حسن فواد نوں احتساب عدالت وچ پیش کر کے اوہناں دا ریمانڈ لِتا جائے گا۔ وسیلیاں مطابق فواد حسن فواد خلاف بتھیرے ثبوت موجود نیں۔ فواد حسن فواد کولوں تفتیش دوران اہم انکشافات دی آس اے جیہدی مگروں ہور گرفتاریاں وی ہو سکدیاں نیں۔ ڈی جی نیب مطابق فواد حسن فواد نوں 3الزاماں اُتے گرفتار کیتا گیا اے۔ الزاماں وچ آشیانہ اقبال ہاؤسنگ سوسائٹی تے نجی بنک وچ نوکری شامل اے۔

نیب وسیلیاں مطابق فواد حسن فواد نیب ساہمنے چوتھی وار پیش ہوئے۔ ترجمان نیب نے دسیا کہ فواد حسن فواد نے تفتیشی ٹیم ساہمنے بیان دتا۔ اوہناں دی گرفتاری دی صورت وچ سارے چارجز توں آگاہ کراں گے۔ سوالاں دوران اوہناں نے نیب افسر نال بدتمیزی وی کیتی ۔ فواد حسن فواد نوں تسلی بخش جواب نہ دین اُتے نیب حکام نے گرفتار کیتا۔