اسلام آباد( پاکستان پوائنٹ نیوز04۔جولائی۔2018ء ) گھٹ بال پیدا کرن والیاں سوانیاں لئی وڈا اعلان کر دتا گیا۔ پچھلے دیہاڑے سپریم کورٹ آف پاکستان وچ چیف جسٹس ثاقب نثار دی سربراہی وچ ودھدی ہوئی آبادی خلاف درخاست اُتے سنوائی ہوئی۔ میڈیا رپورٹس مطابق سنوائی دوران صوبائی وزیر صحت سندھ نے گھٹ بال پیدا کرن والیاں سوانیاں نوں موبائل فون دین دا اعلان کیتا۔
جیہدے اُتے چیف جسٹس نے پُچھیا کہ کیہ مرداں نوں وی کوئی سہولت دتی جائے گی۔ چیف جسٹس نے آکھیاکہ تُسیں موبائل کمپنیاں دے فائدے دی گل کر رہے او۔ پر 3ہزار دے موبائل تے دو ہزار دے سولر پینل اُتے شاید کوئی اینا وڈا کم نہ کرے۔ سنوائی دوران چیف جسٹس نے فواد حسن فواد نوں آکھیا کہ ہن تہاڈے میرے نال تعلقات چنگے ہو گئے نیں تُسیں رہنمائی کرو کہ آبادی دے ودھدے ہوئے مسئلے اُتے قابو کیوں نہیں پایا گیا۔
چیتے رہوے کہ ایس کیس دی سنوائی دوران چیف جسٹس ثاقب نثار نے ریمارکس دتے سن کہ بال گھٹ پیداکرنا اسلام خلاف اے ایہ اسیں کس چکر وچ پھس گئے؟کیہ ملک ایس قابل اے کہ اک گھر وچ 7بال پیدا ہون؟اوہناں نے آکھیاکہ آبادی وچ تیزی نال وادھا ہو رہیا اے ۔ آبادی نوں کنٹرول کرن لئی عوامی آگاہی مہم وی بالکل صفر اے۔ اوہناں نے ہور ریمارکس دتے کہ آبادی دی شرح وچ وادھا بم اے۔ پر ایتھے آبادی لئی کوئی کم نہیں کیتا گیا۔ آبادی کنٹرول کرن لئی عوامی آگاہی مہم وی بالکل صفر اے۔ چیف جسٹس نے آکھیاکہ ایوب خان دور وچ وی آبادی نوں کنڑول کرن دی پالیسی سی۔ وفاقی حکومت نے آبادی نوں کنٹرول کرن لئی کُجھ نہیں کیتا جدکہ چین نے آبادی کنٹرول کیتی اے۔
